احتياجات الجهاز يا عروسة

السلام عليكم... أنا قولت أعمل الموضوع ده عشان أفيد بيه كل البنات اللي بتجهز أو قربت تتجوز ومحتارة ومش عارفة تشتري إيه ومتشتريش إيه؟ وأنا شخصيا هأقولكم من

النتائج 1 إلى 6 من 6
  1. #1
    برونزية جديدة
    تاريخ التسجيل
    Oct 2011
    المشاركات
    16


    افتراضي احتياجات الجهاز يا عروسة



    [B][FONT="Tahoma"][SIZE="2"][CENTER]السلام عليكم...

    أنا قولت أعمل الموضوع ده عشان أفيد بيه كل البنات اللي بتجهز أو قربت تتجوز ومحتارة ومش عارفة تشتري إيه ومتشتريش إيه؟

    وأنا شخصيا هأقولكم من خلال خبرتي المتواضعة جدا في الموضوع ولأني متزوجة حديثا وكمان نزلت كتير ولفيت وقعدت أدور ونزلت مع كتير من صحباتي عشان نشتري مستلزمات الجهاز

    أول نصيحة أحب أقولها لك ... اهتمي بالجودة بتاعت أي حاجة تشتريها حتى لو الكم هيكون قليل وطبعا كل واحدة وحدود إمكانياتها واحتياجاتها
    بس أنا بأشوف أنك لو اشتريتي حاجة جودتها كويسة وماركة معروفة حتى لو هتدفعي أزيد سنة فده مع مرور الوقت هتكتشفي إنه أوفر لك بكتير من إنك تشتري حاجات كتير جودتها مش أد كده وكل شوية تبوظ فتصلحيها أو تشتري غيرها... كإنك رميتي فلوسك في الأرض

    تاني نصيحة اشتري احتياجاتك بس بغض النظر عن كلام الناس والبنت لازم تشتري كذا وتعمل كذا ... لأنك في الآخر أنتي اللي هتدفعي مش الناس
    وبعدين أنك تشتري حاجات قليلة جودتها كويسة أحسن ماتشتري حاجات كتييييييييييييير بس ملهاش لزمة وأي كلام

    أنا هبتدي معاكي بالمطبخ لأن حاجاته كتيرة جدا ومبتخلصش

    والجملة الشهيرة ... ممكن تفضلي لحد يوم الفرح الصبح تشتري في حاجات وحاسة إنك لسه مخلصتيش
    طبعا محبكيش توصلي للمرحلة دي

    حاولي نشتري حاجاتك وتخلصي كل حاجة على أد ماتقدري ... واللي متعرفيش تخلصيه قبل الجواز أبقي اشتريه بعدها الدنيا ما أتهدتش...

    اكتبي كل احتياجاتك في ورقة تبعا لأولوياتها واستشيري ناس سبقوكي تكوني بتثقي فيهم

    طبعا المطبخ فيه:

    1. [COLOR="Red"]حلل[/COLOR] (تيفال – أستانلس – صاج - ألومنيوم) ...

    [IMG]https://fbcdn-sphotos-a.akamaihd.net/hphotos-ak-snc7/310848_246054622109782_202232713158640_639343_1909747551_n.jpg[/IMG]

    أنا شخصيا أنصحك بشراء حلل تيفال للأرز والمكرونة والحاجات اللي ممكن تلزق وتتعبك في التنضيف وأستانلس في سلق اللحوم وطهي الخضراوات ... لأنهم عمليين جدا وصحيين جدا أكتر من الألومنيوم اللي بيسبب أمراض مع مرور الوقت والصاج لو الحلة اتخدشت هيبقى مفروض تترمي ومتستعمليهاش ... هتقوليلي طب ما التيفال برضو ممكن يتخدش .. هأقولك استعملي معلقة خشب

    والتيفال فيه ميزة عدم الالتصاق وتنضيفه سهل جداااااااااا وطبعا اشتري التيفال من نوع معروف وأنا شخصيا شايفة أن أحسن نوع تيفال هو برستيج يليه تيفال زهران ... وأنا شخصيا جربت الاتنين برستيج التيفال بتاعه أمتن وفيه طبقات أكتر ومعاه ضمان مدى الحياة ... الأستانلس مش فارقة أوي أهم حاجة قاعدة الحلة تكون سميكة والحلة لما تيجي تمسكيها تحسي أنها تقيلة

    2. [COLOR="Red"]صواني[/COLOR] (تقديم – فرن – صواني كيك) ...

    [IMG]https://fbcdn-sphotos-a.akamaihd.net/hphotos-ak-snc7/301068_246059628775948_202232713158640_639375_1031731269_n.jpg[/IMG]
    صواني التقديم دي خاضعة لذوقك وإمكانياتك إنما أنصحك أنك تشتري صواني الفرن والكيك تيفال وزي ما قولت قبل كده أن أحسن نوع هو برستيج هتشتريه وبجد هتنسيه ... عايزة تعملي كيكة وتقلبيها هتتقلب معاكي وعمرها ماهتلزق في ناس بتشتري صواني ألومنيوم وطواجن بيركس .. البيركس جميل وصحي جدا وكل حاجة بس عايز معاملة خاصة جدا وحرص

    3. [COLOR="Red"]الكيتشن ماشيين[/COLOR]...

    [IMG]https://fbcdn-sphotos-a.akamaihd.net/hphotos-ak-ash4/299646_246046332110611_202232713158640_639294_1227975563_n.jpg[/IMG]

    في ماركات كتيرة جدا كويسة تتناسب مع إمكانياتك ... في براون ومونليكس وكينوود ... أنا شخصيا شايفة أن كينوود من أفضل الماركات لكذا سبب ... أولا هي ماركة عالمية معروفة جدا .. ثانيا بتوفر أغلب احتياجاتك (خلاط.. كبة.. مضرب بيض.. أسلحة تقطيع وبشر..عصارة برتقال) في جهاز واحد بسعر تحفة جدااااااااا ده غير أنك لو متابعة قناة فتافيت هتلاقي أغلب البرامج بتستخدم كينوود في أغلب الاستعمالات ... ممكن لو شايفة أن الكيتشين ماشيين ملهوش لزمة أو مش هي دي احتياجاتك تشتري خلاط بمطحنة وكبة (لأنك تقريبا دي أكتر حاجات بتستخدميها في الكيتشن ماشيين بشكل يومي يعني مينفعش تستغني عنهم)

    4. [COLOR="red"]طقم سكاكين ومعالق[/COLOR] ... المعالق اهتمي أنك تشتري حاجة مصنوعة من الأستانلس عشان تعيش معاكي من غير مالونها يغير وطبعا أحسن

    حاجة ف الأستنالس ... الألماني (طبعا هو أغلاهم) ...وده أنصحك تخليه للسفرة وتجيبي طقم تاني (6قطع من كل من الشوك والسكاكين والمعالق) تخليه للمطبخ ... بالنسبة للسكاكين ففي طقم سكاكين برستيج حلو جداااااااااا وأنا زعلت أوووووي أني معرفتش أن برستيج بتنزل أطقم سكاكين بسعر تحفة ومعاه حامل خشب تحطي السكاكين جواه وكان نفسي أرجع طقم السكاكين بتاعي وأجيب برستيج بس ملحقتش أعمل كده لأني اتزنقت في الوقت

    5. [COLOR="red"]الكوبايات والكاسات[/COLOR]:

    [IMG]http://www.royaldoulton.com.au/library/chelsea-stemware-mood.20080618095551.jpg[/IMG]

    طبعا هتشتري كوبايات للشاي وشوبات للماء وكاسات للعصير ده غير حاجة النيش ... يستحسن أنك تشتري من كوبايات الشاي طقمين زي بعض وكذلك في الكاسات عشان لو جالك عدد كبير يبقى الحاجات كلها زي بعض


    نآخد فاصل ونرجع نواصل إن شاء الله
    [/CENTER][/SIZE][/FONT][/B]




  2. #2
    قلب المنتدى النابض الصورة الرمزية معاك لاخر انفاسي
    تاريخ التسجيل
    Dec 2010
    المشاركات
    5,072

    افتراضي

    [size="4"][color="blue"]الله يعطيك العــافيه

    مشكــوره ياقمــر [/color][/size]

  3. #3
    برونزية جديدة
    تاريخ التسجيل
    Oct 2011
    المشاركات
    16

    افتراضي

    [b][center][size="2"][font="tahoma"]بالنسبة للمفروشات...

    فأهم شيء برضو مش أنك تشتري حاجات كتير على أد ما الجودة بتاعت الحاجة اللي تشتريها مفروض تكون كويسة وياريت تكون كويسة أوي

    المفروشات بتشمل:

    1. [color="red"]الملايات والكوفرتات[/color]
    2. [color="red"]الفوط والبشاكير والبرانس[/color]
    3. [color="red"]البطاطين واللحفة[/color]

    بالنسبة الملايات والكوفرتات والفوط والبشاكير والبرانس ... أهم شيء تكون قطن 100%
    في ناس بتشتري حاجات نسبة القطن فيها 85% والـ 15% الباقيين بيكونوا بوليستر

    أنا شخصيا مش بحبذ غير القطن 100% ... لأنها بتمص العرق ومبتسببش أي حساسية ودي حاجة مهمة جدا وبتكون خفيفة ف الحر

    وحاولي تنوعي بين الملايات المنقوشة والملايات المطرزة وإن كانت الملايات المطرزة شكلها أشيك وعرايسي أكتر طبعا

    والفوط القطن أحسن مليوووووون مرة من الفوط القطيفة وإن كان شكل الفوط القطيفة جميل فبرضو الفوط القطن أحسن مليووووون مرة لأنها بتشرب المية كويس جدا
    حاولي زي ماقولت قبل كده تشتري نوع كويس حتى لو أغلى نسبيا لأنه هيعيش معاكي والألوان هتفضل ثابتة وهيفضل شكله متميز عن غيره

    وبالنسبة لأحسن أنواع في الفوط والملايات والكوفرتات:

    1. سوفت لينبن (جبت منه فوط وملايات)
    2. العز والسراج (جبت منه أطقم ملايات)
    3. السروجي (جبت منه كوفرتة وبشكيرين)

    طبعا في حاجات أحسن من كده بس دي أحسن ماركات وأسعارها معقولة

    وفي أطقم بتلاقي نفس النقشة اللي على الملاءة هي نفسها اللي على الفوط وعلى البرنس وعلى طقم اللحاف بيبقى شكلها تحفة جدااااااااااااا ...

    ممكن تشتري حاجة زي كده... أنا شخصيا اشتريت طقم ملاية وفوط نفس رسمة التطريز... كان شكلها متميز وهو ده اللي فرشته ساعت فرحي وكان من سوفت لينن...وعجب حماتي وأخت زوجي جدا

    لو هتفرشي شقتك مودرن هاتي مفرش سرير مودرن أنا شخصيا شايفة أن المفارش المودرن غالية شوية وغالبا مش بتتفرش غير في أول الزواج

    لو هتفرشي شقتك ستيل طبعا هتجيبي مفرش كلاسيك ودول متوفرين بكافة الأسعار يعني اللي يناسبك هاتيه أهم شيء يكون لايق على ألوان شقتك وشكله رقيق وناعم

    بالنسبة للأعداد تجيبي أد إيه... السؤال الشهير جدا

    أنا شخصيا شايفة أنك لو اشتريتي من كل حاجة في (الملايات – فوط الوجه ) 6 بس جودتهم عالية يبقى كفاية أوي

    ممكن تشتري طقم فوط فيه كذا مقاس وتكملي بقية فوط الوجه بفوط تانية مفيش مشكلة

    ولو هتشتري بشاكير مش هتحتاجي برانس والعكس

    والكوفرتات كفاية أووووي 2

    والبطاطين (أحسن خامة في البطاطين الأسباني وفي حاجات صيني بتكون حلوة) 2 و ممكن تشتري بطانية ولحاف ودلوقتي اللحفة الفايبر مالية السوق
    [/font][/size][/center][/b]

  4. #4
    ৢ سـفـيرة المحبـہ ৢ الصورة الرمزية أم وتين..
    تاريخ التسجيل
    Sep 2011
    المشاركات
    5,405

    افتراضي

    [SIZE=6][COLOR=purple]شكرااا لك غاليتي[/COLOR][/SIZE]

  5. #5
    برونزية جديدة
    تاريخ التسجيل
    Oct 2011
    المشاركات
    16

    افتراضي

    شكرا يابنات ... فاصل ونعود إن شاء الله

  6. #6
    ·۞وبالأسحارِ هُمْ يَستَغْفرون۞· الصورة الرمزية أم بــــدر
    تاريخ التسجيل
    May 2009
    المشاركات
    16,043

    افتراضي

    هو إعلان لك وليس موضوع

    والإعلان في المنتدى ممنوع قبل الوصول لـ 50 مشاركة

    كما يمنع ممارسة التجارة خارج قسم السوق

    ~ يُغلق ويُنقل للأرشيف ~

المواضيع المتشابهه

  1. احتياجات بيت الزوجية من اثاث
    بواسطة رحيق الزهور في المنتدى ديكورات و اثاث المنزل
    مشاركات: 5
    آخر مشاركة: 11-26-2008, 12:16 AM
  2. احتياجات الولاده . من تجربتي (خصوصا للامهات اول مره)
    بواسطة رعش قلبي في المنتدى الحمل و الولادة
    مشاركات: 0
    آخر مشاركة: 09-10-2007, 08:04 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

رسالة إدارية

لتصفح المنتدى بشكل اسرع الرجاء الضغط على السماح او Allow في الاعلى


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202