خلطة ابر النضارة للوجه و تجربتي معها



السلام عليكم

مساء الخير و الورد :ق201:

أول موضوع لي بالمنتدى وان شاء الله يارب تستفيدون من تجربتي مثل ما استفدت منكم :066:

((أبر النضارة أو حقن النضارة للوجه))

الموضوع هذا من تجربتي أنا واليوم سويتها بالمركز الاستشاري عند د. هناء

مدري الدعايات مسموحة والا لاء :ص00:

المهم يا حلوات أبلشتني صديقتي تبي تروح تسوي ابر نضارة قبل زواج صديقتنا :ق7: قلت وش هي ؟؟

وعلمتني لكن ما حصل لي اسويها الا عقب وسحبوا مني 600 ريال غير فتح الملف 100 يعني 700 :ك400:

المهم لا تنخدعون يا حبيباتي ترى ما من زود , انا قلت وش بطلع الحين بس قاعدة اتخيل وجهي
والنتيجة عااادي اللهم شوية حمار بخدودي و تحسين ان البشرة نظيفة و تلمع وتلق رغم ان صديقتي تقول ما تحتاجين اساس اذا حقنتي :و2:

أنا موب بيضاء ولا سمراء مررة بس امي قالت الا يبي لك كريم أساس

حتى خواتي قالوا وجهك احمر :044: (يااكل ويبي له ثلج) بس ما فيه تغيير

أنا جاية وحاسة اني حلوة مرة وخروا عن طريقي بس :036: كلهم قالوا عاادي

لأني شايفة شغلها ماشاء الله ما قصرت معي الدكتورة وش حليلها

أول شي حطت بوجهي كريم زي البنج و خلته نص ساعة وبعدها جابت رولر أبر و مررتها على وجهي

انتبهو ما بطتني ابرة ابرة لاء بس مررت الرول على وجهي تمرير وبعدها جابت الحقن و بدت تقطر فيه

وتفرك شوي و لما خلصت قطراتها خلت الممرضة تحط لي ماسك فيتامينات وجلست نص ساعه

وبعدها غدا وجهي يجنن :066: من جد واااو عقب الماسك حسيت اني بيضاء وفاتحة مررررة
ما ودي اتغطى مررة حاار وجهي رغم ان المكان بارد بالحيل

رجعت البيت حطيت عليه ثلج و تغديت و نمت و صحيت و قلت اكتب لكم تجربتي

(بالعربي اذا انتي بيضاء روحي سويها و اتركي عنك كريمات الأساس)

خلكم على الطبيعة يا زينها والله من عطلت وانا بالحمام المغربي و السنفرات و الكريمات وما شاء الله

احس جسمي مفتح لكن وجهي الي غامق شوي < ما يخالف المكياج يغطي :0149:

يارب استفدتوا و ما تنخدعون ابد

في امان الله







المصدر الفراشة
alfrasha.maktoob.com