انت غير مسجل في المنتدى تعرف على المزيد ..سجل الان من هنا


العودة   منتديات احتاجك > المنتديات الأدبيه > منتدى أعذب القصيد - قصائد شعرية - قصائد منقولة

منتدى أعذب القصيد - قصائد شعرية - قصائد منقولة قصائد حزينه - قصائد حب قصائد غزل - قصائد عتاب - قصائد نخبة من الشعر والشعراء

طلبات الطلاب و المعلمين
::[مواضيع لم يتم الرد عليها ]::


المواضيع الجديدة في منتدى أعذب القصيد - قصائد شعرية - قصائد منقولة


قصائد الشاعر سعيد بن مانع القحطاني / جديد 2011

السسسلآلآلآم عليكمُ. ورحمة الله وبركآتهُ. نرحبُ. بشاعر الكبير.ُ.

إضافة رد
 
LinkBack أدوات الموضوع انواع عرض الموضوع

قديم 25-11-2010, 07:13 AM   المشاركة رقم: 1
المعلومات
الكاتب:
الصورة الرمزية
 
الصورة الرمزية H A N A N

البيانات
التسجيل: Jul 2009
العضوية: 30269
المشاركات: 14,652 [+]
بمعدل : 7.72 يوميا
اخر زياره : [+]
المدينه: في البآل.
معدل التقييم: 21474856
نقاط التقييم: 2147483647
H A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond reputeH A N A N has a reputation beyond repute
 

الإتصالات
الحالة:
H A N A N غير متواجد حالياً

المنتدى : منتدى أعذب القصيد - قصائد شعرية - قصائد منقولة
قصائد الشاعر سعيد بن مانع القحطاني / جديد 2011








قصائد الشاعر سعيد مانع القحطاني a7tajk-46b0b9ef90.png

السسسلآلآلآم عليكمُ. ورحمة الله وبركآتهُ.



نرحبُ. بشاعر الكبير.ُ. [ سعيد بن مآنع القحطآنيُ. .. وهو في ضيأفة منتدى آحتآجكُ. ..


وهذي مجموعهُ. من قصآئد الشآعرُ.




من قيض دنياي جيت ادور ظلالك
وارتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق وقل حيلاتي
واللي جعلني بلا تفكير أسعى لك
اني لأحسدك في صبرك بغيباتي
ياقو قلبك اقل القول ؟ وش حالك
شحّيت وش عاد لوني قلت لك تاتي
هبّتني اشواق لك وارسيت في جالك
وبالفعل الأشواق تجري عكس مشهاتي
لو هو بيديني أبد والله مااعنا لك
لكن شوقي فضح بقلبي بنظراتي
جيتك مجمّع حكي من يوم ترحالك
وصوّخ اذانك لصوتي واسمع الآتي:
ماأبدن سئمتك ولا ببدل إبدالك
به حي قد قال لك سئمت نبضاتي ؟
نعم أحبك ولا علي بإهمالك
وان كان حبك غلط ؟ ياحلو غلطاتي
هذا انا ياحبيبي بآترضّا لك
من يوم قفّيت وانا العله بذاتي
قفيت بالحالك ؟ ابدن ماانت بالحالك
خاوتك فرحة خفوقي وإبتساماتي

قصائد الشاعر سعيد مانع القحطاني a7tajk-7763c80002.png


قصيدة ياقابر احساسي

ياقابر احساسي ؟ تملت مقابرك
يعني لأني مانهيتك ولا بحت ؟
للحين وانته ماتخلي مكابرك ؟
وللحين في ليلة غرورك ولا أصبحت ؟
لقّيت لكفوف المشاريه صابرك
وقفّيت لكفوفٍ تواسيك لا صحت
وأغلقت عن حوض المواصل صنابرك
وأجدت في صخر الجفا روعة النحت
تجرح وانا اللي بعد هذا ؟ أجابرك
آسف حبيبي يوم منك تجرحّت
مظاهرك لو هي مرآية مخابرك ؟
ان كان قد قفّيت منك وريّحت
ريشتك ؟ وش تسوى بليا محابرك ؟
وعيشتك ؟ وش تعني بدوني \ إذا أفلحت ؟؟
الحل بيدك وانت تعرف معابرك
وافراقنا نتايجه خايبه بحت
اروح منك ؟ كيف وانا اللي خابرك
تنوح وارجع لك برحمه اذا نحت
تروح مني ؟ رح مانيب جابرك
وياكثر مابفقد خفوقي اذا رحت








انا وش اللي بغيبتـك مستفيـده ؟

صدري وصل م.. الهم حد الشباعه

الصبح يضحك لي بضحكه جديـده

وانا الى هالحين مانمـت ساعـه

اسهر واسامر كل نجمـه فريـده

وان نمت ؟ قالت ليه هذي القطاعه

ياغايبه والليـل لا قويـت ايـده ؟

يدي ضعيفـه ماتقـاوي صراعـه

الحـب دمٍ والمواصـل وريــده

والقلب هو اللـي يزيـد اندفاعـه

غبتي وسميتـك : قريبـه بعيـده

والعين تحسد خافقـي عالقناعـه

جاعت عيوني شوفتـك ياعنيـده

ماترحمين اللي بلتـه المجاعـه ؟

بينـي واحزانـي علاقـه وطيـده

مثل العلاقه بين عقـرب وساعـه

فراقـك الله يمحـقـه لا يعـيـده

لازاد زاد الجـرح معـه اتساعـه

نسياني اكذب من كـلام الجريـده

وكتماني اعتم من عتام الإشاعـه

وأشواقي اصدق من فعايل رفيـده

وأبلغ من طعون اليدين الشجاعـه

شوقٍ هبا في القلب وسم الحديـده

والقلب لولا الصدر ؟ تم انتزاعـه

ولاجـداي الا حـروف القصيـده

عسى تزودنـي شويـة مناعـه

لك الله اصبر عالريـاح الشديـده

يالمركب اللي ضاع منه شراعـه

عسى الفرج يقبل ويهنـاك عيـده

وتبات عين اللي شقا البُعد لاعـه

وأقول للنجمـات فرصـه سعيـده

والمعذره دامي نويـت القطاعـه

ياغايبـه والنخـل يبّـس جريـده

ولا يغـرك راسهـا وارتفـاعـه

به في غيابك فايده بـس وحيـده

يمكن إنها هي العـزا والشفاعـه

تدرين وش في غيبتك مستفيـده ؟

اني اصلي الفجر ويـا الجماعـه.....



قصائد الشاعر سعيد مانع القحطاني a7tajk-7763c80002.png




قصيدة تنويرة الهاتف

روّح علي من ليل الأشواق ثلثين

واقبل عليّ ثلثٍ طوا ضيقتي طيّ

عقب الهموم وظلمة الليل والبين !

تنويرة الهاتف ملت ليلتي ضيّ

البارح اضوي به وادوّر على شين !

والحين نوره مالي البيت والحيّ

حي اتصالك يوم جاني على الحين

الفا يقدّيني عن الطيش والغيّ

يامرحبا يا صوت اشاهده بالعين

صوتٍ رسم طيفك بلوحات عينيّ

في ذمتي يا سيد كل المزايين

صوتك مثل ما أخذتني ؟ ... رَدني ليّ

تنشد عن احوالي وانا اقول لك : زين

ماغير جرحٍ وآخر علاجه الكيّ

أتعبني ان الحب ما بيننا بين

والمجتمع باقي على وصلنا عيّ

بس التعب فدوه .. وحن أجل اثنين

تعبك يالغالي مثل شربة الميّ

يرخص لك الغالي .. ويهدا لك الزين

تامر عيوني ؟ هاك هذي قبل ذي

في خاطري يا مهجة القلب بيتين

دامك بتقفل قبل الآذان بشويّ

حق الأذان وحق صوت الملبين ؟

لك في خفوقي شي .. لا ماهو ب شي

اشيااااااء .. لكنّي باعلمك شيئين :

شوق و محبه .... موتتني وانا حيّ

،،،،

قصيدة لبا العرب

بانت سراير خافقي وأزريت لا أخفي بينها

والشوق لا منّه شرق ؟ // ف مكابر العاشق غرب
الجادل .. المتغيّبه عني .. وانا اسأل وينها ؟

يومٍ يمر بدونها .. ؟؟ // مافيه حس ولا عرب !!
إمغربتني عن هوى الخفرات .. داخل عينها

كلن يناظرني بقولة / حظ عين المغترب
في وسط قلبي حبها يزداد به من حينها

قسّم محبتها خفوقي داخلي ثمٍ ضرب
الله ما أحلا سينها لما إلتقت في عينها !!

لا قالت أسمي .. فز قلبي من محله وإضطرب
اليا اقبلت يازينها .. وان دبّرت يا زينها

واليا إسكتت شوفي طرب .. واليا حكت سمعي طرب
واليا إضحكت .. لبا شفايفها معَا خدّينها

وإن عقدّت حجّانها ؟؟ في ذمتي لبّا العررررررب
رسمه عجيبه يعجز الفنان في تلوينها

حقيقةٍ ... يحلم بها من هو تجرّا وأقترب
من شافها.. ؟ ما أحتار بين الكبرياء وبينها

ضآمي على جال النهر // لكنّ يبطي ماشرب.![/


قصائد الشاعر سعيد مانع القحطاني a7tajk-7763c80002.png



قصيدة دوا الضيقه

والله إني ضايقٍ والصدر بالهم إمتلا

والغبون اتجر وسطه ياعلي موّالها

ماهي ضيقة عاشقٍ يشكي فراق أم الحلا

ولاهي ضيقة فقر ولا دين ولا امثالها

والله إلا ضيقةٍ لو هي توزع عالملا

كان تكفيهم ويبقى مثلها وأدبالها

والسبب في ضيقتي بعض العرب ؟ ولا بلا

خلني ساكت وربك ياعلي حلالّها

غير تدري وش دواها يازبون اللي انجلا؟

لا إنقطع عن أجهزتنا برجها وارسالها

الخلا يابن عجي إي والله انه الخلا

هو دوا الضيقه وهو حلال عقد حبالها

ماحلا دق العصب في كل راس .. وماحلا:

الجنابي في عروض مخضبين سلالها

وماحلا طوي المسافات الطويله بالفلا

لين ننزل عند واديها وبين جبالها

وماحلا نص العمود وماحلا شب الصلا

والدلال الصفر ذات الكيف صف بجالها

وقام شفرة قومه الوافي بها ومد (اشهلا)

وعدلت روس النشاما ماحوا فنجالها

النشاما اللي ليامن جيتهم قالوا: هلا

من خواطر صافيه تنبان بإستقبالها

المطاليق الصقور اللي مواكرهم على:

راس نايف والطمان تشوم عن منزالها

وجلستهم على طيب ونقا قلب وغلا

والسوالف والعلوم الطيبه واجزالها

والسمان من القصيد اللي من الهزله خلا

وعقبها لعب اقحطان اللي يجمّل حالها

قزوعي والقزوعي من دون طبلٍ يطبلا

مابه الا صوت خبط القاع وصوت رجالها

لعب هيبه العبوه اجدودنا من اولا

فالحرايب عقب مالعدوان تلقى فالها

ياعلي طالبك هيا ياعلي صوب الخلا

ودي اسلا لعنبو الدنيا على آبوريالها









من مواضيع : H A N A N

الدرس السادس عشر | عمل صوره رمزية ~
لماذا يختلف الإحساس بالحب من وقت لآخر؟
الصمتُ. بجنونٌ.
حفل الزواج الجماعي
طيح من عيني بعد هـ ( التجْربه ) .
فساتين المصممه ايلا زحلان 2012
صور اليوم الوطني للتصميم 2012
هيدرات للمسن باللون الاحمر
كيف تسيطرين على توتر أعصابك؟
فستان زواج فيلم تواليت 2012
 


عرض البوم صور H A N A N   رد مع اقتباس

قديم 22-09-2014, 07:59 PM   المشاركة رقم: 2
المعلومات
الكاتب:
اللقب:
| المشرفين |

البيانات
التسجيل: Sep 2014
العضوية: 305938
المشاركات: 4,286 [+]
بمعدل : 491.49 يوميا
اخر زياره : [+]
المدينه:
معدل التقييم: 5
نقاط التقييم: 10
latifa Naf1 is on a distinguished road
 

الإتصالات
الحالة:
latifa Naf1 غير متواجد حالياً

كاتب الموضوع : H A N A N المنتدى : منتدى أعذب القصيد - قصائد شعرية - قصائد منقولة
افتراضي رد: قصائد الشاعر سعيد بن مانع القحطاني / جديد 2011


شكراا


عرض البوم صور latifa Naf1   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر رد
قصائد الشاعر ناصر القحطاني , ديوان الشاعر ناصر القحطاني , اشعار ناصر القحطاني نايف العنزي منتدى أعذب القصيد - قصائد شعرية - قصائد منقولة 8 09-10-2013 06:25 PM
توبيكات قصائد الشاعر سعيد بن مانع القحطاني 2011 H A N A N توبيكات , توبيكات ماسنجر , توبيكات ماسنجر ملونه 13 14-03-2011 11:48 PM
قصائد صوتيه الشاعر سعيد بن مانع القحطاني H A N A N قصائد صوتيه , قصائد مسموعه 12 10-03-2011 11:46 AM
مكتبة صوتيه لقصائد الشاعر سعيد بن مانع القحطاني 2011 H A N A N قصائد صوتيه , قصائد مسموعه 9 04-03-2011 11:38 AM
رائعة سعيد بن مانع حنا سعوديين جنون العـآطفة قصائد صوتيه , قصائد مسموعه 1 14-12-2009 10:55 PM


الساعة الآن 06:24 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc.
Search Engine Friendly URLs by vBSEO 3.6.1
اعلانات
مركز تحميل لذيذة كورة العاب بنات العاب فلاش العاب طبخ اندرويد العرب شوف البرونزية