انت غير مسجل في المنتدى تعرف على المزيد ..سجل الان من هنا


العودة   منتديات احتاجك > المنتديات الأدبيه > منتدى أعذب القصيد - قصائد شعرية - قصائد منقولة

منتدى أعذب القصيد - قصائد شعرية - قصائد منقولة قصائد حزينه - قصائد حب قصائد غزل - قصائد عتاب - قصائد نخبة من الشعر والشعراء

::[مواضيع لم يتم الرد عليها ]::


المواضيع الجديدة في منتدى أعذب القصيد - قصائد شعرية - قصائد منقولة


قصائد الشاعر عبدالله الظفيري , ديوان الشاعر عبدالله الظفيري

قصائد الشاعر عبدالله الظفيري , ديوان الشاعر عبدالله الظفيري || • الـشـاعـر عـبـدالله الـظـفـيـري ●• | آشتهر بِ قصيدته

إضافة رد
 
LinkBack أدوات الموضوع انواع عرض الموضوع

قديم 19-01-2010, 06:05 AM   المشاركة رقم: 1
المعلومات
الكاتب:
اللقب:

الصورة الرمزية
 
الصورة الرمزية نايف العنزي

البيانات
التسجيل: Jan 2009
العضوية: 14
المشاركات: 24,697 [+]
بمعدل : 12.15 يوميا
اخر زياره : [+]
المدينه: الريآض
معدل التقييم: 3035821
نقاط التقييم: 303579149
نايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond repute
 

الإتصالات
الحالة:
نايف العنزي غير متواجد حالياً

المنتدى : منتدى أعذب القصيد - قصائد شعرية - قصائد منقولة
افتراضي قصائد الشاعر عبدالله الظفيري , ديوان الشاعر عبدالله الظفيري




قصائد الشاعر عبدالله الظفيري , ديوان الشاعر عبدالله الظفيري

قصائد الشاعر عبدالله الظفيري ديوان 1984.jpg

قصائد الشاعر عبدالله الظفيري ديوان 487668695.jpg









||الـشـاعـر عـبـدالله الـظـفـيـري • |







آشتهر بِ قصيدته المليئة بِ بالأحساس الصآدق




|"| الجرح آرحم ~






اللي بقى لـي مـع الأيـام .. وفّيتـه


والضيق لـو ينهمـر تشربْـه وديانـي


ماهي كبيـره علـي والحـزن غنيتـه


وْلاهـي غريبـه إذا وقتـي تحـدانـي


الخوف -يا من نبشت القلب وادميته-


لاعشت زهرة شبابك وانت وحدانـي!!


كم جرح خذْته من الأحباب.. ضمّيتـه


وجروح قلبـي زكـاة لْحُـبّّ خِلاّنـي


مطعون؟ عاااادي ،، جفا الأقراب؟ داويته


تعبان؟ مبطي ،، ردى هالحظ؟ خاوانـي


صدمه؟ بسيطه ،، هَوان الحال؟ مرّيتـه


مقرود؟ أدري ،، وإذا حرمان؟ عدّانـي


ما فاح هـمّ ٍلـك الله مـا تقهويتـه

ما مـرّ حـزن ٍبغيـري مـا تبلاّنـي!


ياما ويامـا مـن الخـذلان .. عديتـه


إلا بصاحبْ .. بعد عِشـره تناسانـي!!


أزريت لأنسـى غيابـه ليـن ناديتـه


والمـوت لامـن تجاهلنـي وجافـانـي


وينه يجينـي .. وكـل عْتـاب كنّيتـه


ياليت يدري بعد فرقـاه وش جانـي!!


من كنت طفل ٍوانا أرجـاه فـي بيتـه


شيّبت.. واثره على هالحـال خلانـي!


حتى جنـاح العَتَـب لرضـاه ذليتـه


ماطِرْت بعده فـرح مـن ذلّ جنحانـي


يا قلب صبرك .. ترى كل شيّ سويتـه


ما كان أفضل من اللي كـان بإمكانـي


لو بيّ قـوه علـى الهجـران؟ خليتـه


لو بـيّ ذره مـن النكـران؟ يفدااانـي


الجرح أرحم .. إذا يرجع مـن أغليتـه


مجروح؟ فِدوه .. ولكن صعب وحداني!







برب ( قصائد الشاعر عبدالله الظفيري ديوان 26.gif )


من مواضيع : نايف العنزي

خامات ورق - تحميل خامات ورق - خامات اوراق - تحميل خامات اوراق
العودة ينتقد "حالة الاصطفاف" في التعامل مع حديث الشثري
يوتيوب مقابلة فهد الغشيان في برنامج في المرمى على قناة العربيه
اهداف الشباب والاهلي دوري زين للمحترفين الجوله الخامسه عشر 15
New Dark Action , اكشن اسود 2010 , اكشن غامق 2010 , اكشن رمادي 2010
مكياج حصه الوغاني 2010 , ميك اب حصه الوغاني 2010 , صور مكياج حصه الوغاني 2010
اخبار الهلال ليوم الاحد 9 / 9 / 1430هـ من الصحف
صور نساء حزينه - صور بنات حزينه - صور نساء يبكون - صور بكاء نساء صور دموع نساء
باريس هيلتون بالزي الخليجي
اخبار العالمي ليوم الجمعة 3 / 12 / 1430هـ من الصحف
 


عرض البوم صور نايف العنزي   رد مع اقتباس

قديم 19-01-2010, 06:06 AM   المشاركة رقم: 2
المعلومات
الكاتب:
اللقب:

الصورة الرمزية
 
الصورة الرمزية نايف العنزي

البيانات
التسجيل: Jan 2009
العضوية: 14
المشاركات: 24,697 [+]
بمعدل : 12.15 يوميا
اخر زياره : [+]
المدينه: الريآض
معدل التقييم: 3035821
نقاط التقييم: 303579149
نايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond repute
 

الإتصالات
الحالة:
نايف العنزي غير متواجد حالياً

كاتب الموضوع : نايف العنزي المنتدى : منتدى أعذب القصيد - قصائد شعرية - قصائد منقولة
افتراضي رد: قصائد الشاعر عبدالله الظفيري , ديوان الشاعر عبدالله الظفيري


|| مقتطفـآت من قـصـائـده فـي الغــزل ||








يسألوني ليه أحبك ..~


نور عيني.. علميني كيف أبكتب لك شعـر؟
وانتي نظره من عيونك ضيّعت كل المعاني!
انتي كلماتك عذوبـه.. وابتساماتـك مطـر
وصوت ضحكك يحتويني وينثر الدنيا أغاني
أشهد إن العمر من بعدك ترى ماهـو عمـر
واشهد إني ماأطيق الغيبه من بعدك ثوانـي
من عرفتك لاحزن غطى عيونـي ولاكـدر
يابعد من شافته عيني وعن شوفـك خذانـي
جارت الدنيا علينا وحالت ظـروف الدهـر
لكن انتي ياأصيله دايم أكسب بـك رهانـي
واذكر إنك يوم رحتي صحت أنا صيحة قهر
ويعلم الله ماتركتـك ليـن ماربـي هدانـي
كل ليله تذكريني يضـوي ف(ليلـي) قمـر
وإن جفيتيني في ليله أظلمت حولي المبانـي
عند بابك ياغناتـي أنحـر أشواقـي نحـر
من عرفتك ياطموحي وانتي لي كل الأماني
"يسألوني ليه أحبـك حـب ماحبـه بشـر"
هذي الغنوه "لراشد" لك تعبّر عـن حنانـي
انتي ياعطر القصيد وطيش فكري والسهـر
والله ماغيرك أحد يستاهل أبياتـي وجنانـي
يابعد كل الخلايق واللي فـي بالـي خطـر
من دخلتي في حياتي مابقى لغيرك مكانـي
أقبلي يانور عينـي وتامريـن انتـي أمـر
يااللي ذكرك يهدي عمري والقصايد جو ثاني
مالي إلا أعتـرف بعيـون حسـادك وأقـر
إنك - أحلى مارأت عيني- وقابلت بزمانـي
قلت أبكتب لك قصيده وطاشت أبيات الشعر
ولا طرالي طاري اسمك ينعقد حتى لساني!!










لـيــه الإعـتــذار ..~



يا غشيمه ليـه تبديـن الأسـف والإعتـذار؟
أصلا احنا منتهين ان كـان هـذا يجهلـك!!
ثم أنا مـا ودي أفتـح بيننـا بـاب الحـوار
بس أنا عارف فضولك.. بالنهايـة يقتلـك!!
تسأليني من معي بعدك خذت فكري وصـار..
يحتفل فيها قصيـدي.. وعلّمَتنـي أهملـك؟؟
واسمحي لي راح أجاوب لك سؤالك في إطار..
الصراحه.. وادري إنّ آخر كلامـي يزعلـك
ذيك بنت ٍمن غلاهـا عاملـه فينـي حصـار
وين ما وجهت نبضـي لجلهـا قلبـي سلـك
ذيك بنت ٍتزرع البسمات فـي كـل الديـار
تغفـل بطيبـة نواياهـا .. ولا تستغفـلـك
ذيك يوم إنك تركتينـي علـى شبـه انهيـار
جتني وطرت بهواهـا للسمـا وابعـد فلـك
ذيك يوم آكلمك وابقى على الخـط انتظـار
حطت الدنيا انتظار وجت تقول: اشتقت لـك
ذيك غيم وصالها ما شـح فـي ليـل ونهـار
وانتي ياخذك التغلـي للغيـاب ويشغلـك !!
ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكره لك/ وبعده لك)
وعن جمال أوصافها خايف يصيبـك انكسـار
لانها لو تلتفت لـك؟ ضيّعـت مستقبلـك!!
وانصحك من حسنها لايبتـدي قلبـك يغـار
وابعدي عنها تراها "حبه .. حبـه .. تاكلـك"
نور عيني حبّها .. يعنـي لـي أكبـر انتصـار
حزت عرش ٍمن ملوك الأرض ما حازه ملـك
كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "
واعتقد ما فيه داعـي يكتمـل هـذا الحـوار
بس هـي كلمـه .. إذا ودك تعرفـي منزلـك





فـي خـاطــري كـلمــه ..~


كثر ماعشت أنا الفرحه بقربك واضحكت لي عين
وكثر ماعشت متهني وكثر ماابتسمـت اشفاتـي
وكثر ماقلت في حبـك قصايـد جمّعـت قلبيـن
أشوف الوقت من دونك جمـع همـي ومعاناتـي
غدا وقتي مثـل ليـلٍ طويـلٍ ماانتهـى للحيـن
سواده امتلى بصـدري وسالـت منـه دمعاتـي
حشا من يوم ماغبتي وربي ماغفت لـي عيـن
طغى همي على عيوني ولعب في حسبتي وذاتي!!
أنا من رحتي بفالك وتلعـب بـي همـوم البيـن
وتاهت خطوتي بعـدك وتاهـت بـي مساراتـي
وأنا وشلون أصور مامضى ويّاك فـي سطريـن
وست شهـور ياعمـري تغنـي فيـك أبياتـي
قضيت شهور في وصلك مضت لي كنها يوميـن
فداها سنين من عمـري وفداهـا كـل لحظاتـي
ألا ياحبـي الطاهـر أبيكـي دائـمـا تـدريـن
بأن طاريـك إذا مرْنـي رفـع لـي معنوياتـي
حياتي يابعـد عمـر القصيـد وخاطـر الغاليـن
أنا لخاطر عيونك بـس أضحـي بكـل رغباتـي
أضيع ليا طروا إسمـك ولـو جابـوه غلطانيـن
وأنا لاضعت مـن حبـك عساهـا دوم ضيعاتـي
وحبك من سكن قلبي أحسه فـي حياتـي ديـن
لأني بس مـن شوفـك أحقـق كـل طموحاتـي
ترى من قبل لاشوفـك لعبـت بحسبـة الباقيـن
ولاحـد ٍعـارف ٍقلبـي ولا يـدري بغاياتـي
قضيت الحب من قبلـك ولاأدري طريقـي ويـن
وأشوف اللي تعلق بي يضيع بصمتي واسكاتـي
وجيتي اليوم ياذوقـي ورتبتـي خفوقـي زيـن
وأنا من لمْسَتْ كفوفك رسمـت أحلـى بداياتـي





مع بعض وبصوت واحد ..~


إذا كان الفرح يرسم على وجـه الشقـي حالـه
علام الأرض ماتقوى تحمّـل مشيتـي وخْطـاي
غشى بحر الفرح صدري وخذاني اليوم في جاله
وبديت آحس ما بالكون يسكن عاشـق ٍشـرواي
رجع لي خلي الغايب بعـد مـا حـرّم وصالـه
وأنا اللي طول هجرانه جرحني وأيّس برجـواي
صحيح إنه رحل عني وترك قلبـي علـى فالـه
رحل وأتلى العهد منّه/ طلب أنساه/ وقولة: بااااي
رجع لي وخابـر ٍقلبـي يحبـه فكـل أحوالـه
رجع لي والسبب أدري صفا قلبي وطول دعـاي
وأنا كالعـاده أتناسـى قسـى طبعـه وغربالـه
عشانه بـس ماينـدم إذا حـس بكثـر شكـواي
رقص حتى القلم فرحه وسطّـر مابـدى فبالـه
وأنا اللي ربعي من اسبوع ملوا من كثر مغنـاي
تعالوا ياعشاشيـق الطـرب غنـوا لـي موالـه
أبعزف لجله أبياتي وأخلـي لـه قصيـدي نـاي
تعالـوا صفـوا بجنبـي ونوقـف كلنـا قبالـه
رجاء ًمع بعض وبصوت واحـد ردّدوا ويـاي:
هلا باللي كثـر حبّـه ينسّينـي قسـى أفعالـه
هـلا بالقلب/وعروقه/ونبضه/والنفس/والـمـاي
هلا باللي كسـب رهنـه علـى عبـدالله ونالـه
يغيب.. ولارجع يدري بأنه مـا براسـي راي؟!
هلا في تاج راس الحسن جانـي تسبقـه هالـه
من التصفيق والتصفير أحسه واسمعه باقصـاي
هلابه كثـر مـا خـلا بغيابـه حالتـي حالـه
كثر ما شارعه يشكي وأنا (تمتير) رايـح جـاي
يقولوا أصحابي ف(خلي) رجع في وضع يرثاله
وقالوا فرصه وجتني عشـان أحطـه بمخبـاي






نكـسـر الـخـاطـر ..~


علامك جيت ياقلبي وراجع خاطرَك مكسـور
أبد لاينكسر خاطرك دامـه صاحبـي جايـر
أبي تنسى مبادئنا وتتـرك طبعنـا المغـرور
وأبي هالحين ترجع له.. وقلّه يطلب ويامـر
وإذا جت عينك بعينه أبي تشهد شهادة زور
بأني مذنب ومخطي.. وقلبه ناسـي وغافـر
وقلّه لايخليني على حزنـي أبـات شهـور
لأن الموت أشوالي وأنا من طبعـي ماكابـر
ولايفكّر يقول: انسى وغيري بالبشر مذكور
لأني ماخبر غيره / قسـم بالله مـو خابـر
أحس اللي خلق زينه خلق باقي البشر ديكور
وأحس الورد لاشمه يميـل وينثنـي شاكـر
وربي هالبشر بعده هياكل والبيـوت قبـور
ولابه شي بالدنيـا يجـاري غيابـه الكافـر
حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر
ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر
أحبك يامنى عمري وغيرك يمسك الطابـور
أحبـك يامولّعنـي وأذوب بصوتـك الخاثـر
أنا من كثر مااحبك أحس إني معك مسحـور
فديتك خلني مسحور إذا تبقى لـي الساحـر
تعااال وخذني بكيفك.. قصيد ولو تبي جمهور
فداك اللي قصدته أمس واللي بَقصِـده باكـر
لك الله وانت خابرني شجاع ولاعلي قصـور
ولكن لو وصل أمري بيدّك... آآه ياساتـر!!
دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر





المـقـــام الـســامــي ..~


ياباذخـه ف الحسـن.. ياسنيـوره
عشقك: وطن... في داخلي مترامي
يا غاية الشعـر وضفـاف بحـوره
واسمى المعاني فـي حضـور إلهامـي
يااحلى تفاصيل المسـا وحضـوره
شفتك؟؟ وضاعت حسبتي وأرقامي
ماشفت لك أشباه ف (المعمـوره)
مثلك!! فلا قد مـر فـي أحلامـي
يومك غديتـي بالجمـال اسطـوره
مـا صوّرتهـا ريشـة الرسـامـي
سبحان منهو صـوّرك هالصـوره
وسبحان يوم انْكَسْتْ لك أعلامـي
ياطاغيـة فـي الحـب يامغـروره
يا اللي قتلتـي جرأتـي واقدامـي!
الشوق ثاير فـي عروقـي ثـوره؟!
والروح دونك تعلن استسلامـي!!
كل المشاعر لـك بَنَـت مقصـوره
في وسط قلبي من ركـام حطامـي
من حسن حظي صرتـي الدكتـوره
وانتي سبايـب علتـي وآلامـي!!!
كل ما طعنتي.. قلت أنا معذوووره
حتى عشقت اسلوبك الإجرامـي!!
وكل ما نشف دمي لنزف شعـوره
اشتاقت أوراقـي لنـزف أقلامـي
يا ام الحـلا وام التـرف وغـروره
كثـر الرجـاوي زوّدت بأوهامـي
القلب بيتـك.. والأمانـي سـوره
والموت رمشك.. والأمل قدامـي!!








برب ( )

من مواضيع : نايف العنزي

صور شتاء وناس بجاكيتات للتصميم - صور اشخاص لابسين جاكيتات شتويه
انمي كونان , صور انمي كونان جديدة 2012
رابط نقل مباراة الاتحاد والاتفاق دوري زين للمحترفين الجوله الثامنه عشر 18 الدورالثاني
صور كره الديسكو الاكبر في العالم في باريس
كتاب الحوار وبناء شخصية الطفل تطوير الذات , تحميل كتاب الحوار وبناء شخصية الطفل
ما معني كلمة كريسماس؟؟ ولماذا لا نهنئ النصاري بعيدهم
برنامج تقسيم مقاطع الفيديو
برشز غيوم - برشز غيوم 2010
اخبار الاتحاد ليوم الجمعه 18 / 11 / 1430 هـ من الصحف
اخبار الراقي ليوم الاحد 16 / 2 / 1431 هـ من الصحف , اخبار الاهلي من الجرايد
 


عرض البوم صور نايف العنزي   رد مع اقتباس

قديم 19-01-2010, 06:07 AM   المشاركة رقم: 3
المعلومات
الكاتب:
اللقب:

الصورة الرمزية
 
الصورة الرمزية نايف العنزي

البيانات
التسجيل: Jan 2009
العضوية: 14
المشاركات: 24,697 [+]
بمعدل : 12.15 يوميا
اخر زياره : [+]
المدينه: الريآض
معدل التقييم: 3035821
نقاط التقييم: 303579149
نايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond repute
 

الإتصالات
الحالة:
نايف العنزي غير متواجد حالياً

كاتب الموضوع : نايف العنزي المنتدى : منتدى أعذب القصيد - قصائد شعرية - قصائد منقولة
افتراضي رد: قصائد الشاعر عبدالله الظفيري , ديوان الشاعر عبدالله الظفيري





قـلـــب ضــــايــع ..~

سمّ بالرحمن.. وصلي ع(النبـي)
ياالقليب اللي لعـب فيـك الغـرام
داخ راسي يالهواوي وش تبـي؟؟
البشر نامـت وعـادك ماتنـام!!
لو بداية حـب.. اسمـع مطلبـي
لاتعذبنـي... ولاتقْـرب حــرام
بعدهـا رح والقصايـد مركـبـي
لاتخاف بحـور وأمـواج المـلام
خذ علي لامن سهـرت بمكتبـي
لك أطيّرلكمـن أسرابـي حمـام
ويالعنود اللي سبت قلبـي سبـي
خافي الله طالبـك كفّـي السهـام
لك عيون ٍضيّعـت لـي مذهبـي
دوّرينـي يـوم ترخيـن اللثـام
أسألـك بالله يابـنـت اقـربـي
هـذا قلبـي وعامليـه بإحتـرام
بس..لامنّـك نويـتـي تلعـبـي
اعتقيه لوجـه ربـي.. ياحـرااام
والله إن القلـب ضايـع والغبـي
به جروح ٍتكْفي لعشريـن عـام
هذا تفكيره مثـل عقـل الصبـي
وإلا أنا وينـي ووينـك يالهيـام
وياقليبي وإن عرضْ لك أجنبـي
احتمل كل مايجي لك مـن كـلام
لي متـى دايـم يشيلـك منكبـي
وأرْفَعَك كل ماتضايق مـن زحـام
ولو عروقي تشتكي كثـر اتعبـي
والأصابع وجّهـت لـي الإتهـام
لاتغـط راسـك وراي وتختبـي
لاتجازينـي مثـل فعـل النعـام!
واجه أفعالـك ولـو مـرّه أبـي
ماتخلينـي لصيـحـات الـمـلام
وإلا تدري!! لو غدرت وخنت بي؟
لايهمك / كل شـي فينـي تمـام
الغـدر كنـه سـواة اليعـربـي
به حميه مـع علاقاتـي دوام ؟؟
يعني لو ضاقت على زود اتعبـي
وتنتظر ردة فعـل منـي وكـلام
هيّا صييييحه في ضلوعي تختبـي
ولا أقول إلا.. على الدنيا السلام!!






قـبـل أسـافـــر ..~



ليلة فراقك .. ودمعـك لمّـا بعيونـك بـدا
من لمحته قبل أسافر .. ماهنا لي مرقـدي
قلت لك :"أيام وارجع" ، والحكي ضايع سدى
لاْن - بالأيام هذي - حتى هالقلب يغـدي!!
ياوطن روحي أماااانه كفكفي هـذا النـدى
واعذريني والله إن الوضع ماهو فـي يـدي
كل شيّ ٍممكن إني أرفضه لجلك .. عَـدا..
[شايبي] لامن زهمني قلت: "أبشر يابعـدي"
انتي أكثر من عرفني ماهو من طبعي الردى
وآنا اعرْفك طووول عمرك ماتحبين الـردي
رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍسرمدي
المصيبه.. كثر ماني والسفـر أكبـر عِـدا
كثر ماربي كتب لي معه أجدّد موعـدي!!!






عـيـــدك مـبــارك ..~


(عيدك مبارك) ياأجمل من سكن وجداني
كل عام ٍوانت أغلى مـن يمـر طاريّـه
كيف أنا ماعايدك ياللي غـلاك أشقانـي
كيف أبنسى؟ وانت يوميا ًتجيبه فيّـه!!
أشهد إن العيد هذا غيييير وطعمه ثانـي
يوم اشوفك فيه راجع لي مصفـي النيّـه
إنت تامرني ياعمري/ كيـف تترجانـي؟
بس أشّر لـي وأجيلـك كلـي برجليّـه
في غيابك زاد عشقي.. وكثروا خلانـي
والله العالم لو أحسـب وصّلـوا للميّـه!
كنت أبهرب من شماتة ربعي وعدوانـي
يوم تتركنـي لحالـي أصطفـق بإيديّـه
لكن الحين انت في قلبي هنـا وحدانـي
وكل هالميّه فوجـودك حاجـة ٍمنسيّـه
ياغناتي.. ياربيـع القلـب.. ياتحنانـي
اضحك وخـل الحيـاه ألوانهـا ورديّـه
لابغيت أعزف وأغني بك تطيب ألحانـي
والقصايد في وصوفـك تنكتـب عفويّـه
والله إني يوم شفتك أورقـت أغصانـي
وأزهرت في صبح عيدي (ورده سعوديّه)
لارجع خلي لحضنـي وصـار يترجانـي
مانظرته - مثل غيري - نظرة ٍدونيّـه
الكبر لله ياقلبـي وغيـر وجهـه فانـي
والله يعلم شوفتـك فـي ذاتهـا عيديـه
(عيدك مبارك).. لغيرك مانطقها لسانـي
كيف أبنطقها وغيرك مايمـر طاريّـه؟!!






ايييييه اشعليك ..~


(يابدر) حالي مثل ماتشوفها
خلني لحظات يرحم والديك
اترك لنفسي تبدّي حسوفها
ودّي آفضفض.. وأجّـل مالديك
شفت لي بنت ٍخذتني وصوفها !
من هنا مرت وانا كنت أحتريك
بنت لو جبنا اللغه وحروفها
مايوفّيها الكلام اللي يجيك!!
خارج المألوف في مألوفها
مارأت عيني لها ندّ وشريك
كن هذي الشمس فوق كتوفها
يوم طلّت.. نورها خطْر يعميك
به حدايق ورد في نفنوفها
وفي خطاويها عطور ٍتنتشيك
توقف الأنفاس حين وقوفها
وفي تثنّيها يثور الدم فيك !
كل بنت ٍما تقرّب.. خوفها
لاتضيع بلفتة ٍمن عين ذيك
وكلّ من قرّب قبل لايطوفها
ماسمعت إلا يقول: "ايييييه اشعليك"
لو تلد للناس .. من معروفها
ولو تهمّشهم.. طبيعي.. ماْيْخفيك
والرجل حتى مرتْه يعوفها
كني ادري فيه باللحظه هذيك
قال في نفسه وهمّ يلوفها:
"ماتقول اشـ معجلك الله يهديك"!!
يابدر لو شفت نقش كفوفها ؟
حاجتك ضيّعتها لو هي بيديك!
ودك إنك شي بين رفوفها
واحتمال تْطل في يوم وتبيك ؟
صدق لو يحصل كذا وتشوفها ؟
(مش حتـئـدر إنّك تغمّض عينيك)!!






الـغـــربــــــه ..~


أبد لاتسأليـن بغربتـي عـن آخـر الأخبـار
عمت عين السفر دامي أذوق المر من كاسـه!
أنا اللي بسألك قولي.. جواب بكلمتيـن صغـار
بلد من دونك (اش) يسوى بعيني؟ يابعد ناسـه
بدونك.. ما أطيق البعد لو هو بيننـا أمتـار!!
ولكن هالفراق أقـوى ولاينفـع بـه سياسـه
ترى لولا اتصالاتك.. برغم اللي يدق.. كثااااار
حشى مافيه أحد غيرك يرد لصـدري أنفاسـه
ألا ياشـوق خفـاق ٍضويتـي ظلمتـه أنـوار
وصار اليوم ينبض لك مشاعر حييييل حساسـه
تبي تدرين بفراقك معي يا الغاليه وش صـار؟؟
تبي تعرفين مجنونك وش اللي قالب ٍراسـه؟؟
لك الله عايش بحالي/ لحالي.. شاعـر ٍمنهـار
وأنا كل ما طريتي لي صرخ شعري بقرطاسـه!
يمر يومي.. ولابه غير همـي والحـزن زوار
عسى الله يرحمه حال ٍغدا هالثنيـن جلاسـه
شحن جوالي أنهيته!! أقفّل .. وافتحه أمـرار!!
قسم لولا رسايلنـا .. حبيبـك قاتلـه ياسـه!
فقدتك والدمع لامن ذكرتـك يفضـح الأسـرار
ولا أشره علـى وقـت ٍبـه الأيـام دساسـه
أسلي نفسي بكثر الأمانـي.. واليديـن قصـار
وأنام وربي العالم وش اللي خاطري حاسـه!!!
كأني من ملك أسهم يبي تضحـك لـه الأقـدار
وقدّم كل ماعنـده.. وفجـأه أعلـن إفلاسـه!!
كأني طالـب بغربـه.. تذكّـر عيلتـه والـدار
وهو كل ماذكـر أمـه! مـلا هالدمـع كراسـه
أعاني كثر ماتملـك ومالـك بالحشـى تذكـار
و(أحبك) والبلا حبـك أبـد مـا أملـك قياسـه
جعل في داخلي عرق ٍسمع بك يا الغلا ماثـار!
يموت.. و وش لي بعرق فوصالك ميت إحساسه
حياتي تسأليني عن جديدي بالشعـر وأحتـار؟
وش أكتب لك شعر وانتي غديتي اليوم نبراسه!
ولكن أوعدك شعـر ٍلاقولـه يتعـب الشعـار
متى ماشفتك وموعـد لقانـا دقـت أجراسـه
لأن مافيني أتحمّل بعـادك فـي سفـر وانهـار
عسى لايعيدها سفره.. ولو هي كانت دراسه!!!






أحـلـــى غـــــــاده ..~


يا اللي لمحتوا دمعتـي بجفونـي
مستغربين اللي حصـل ياسـاده!!
تكفون لفـراق الغضـي خلونـي
أشكي همومي محتضن لي وساده
ماعاد أبيكـم تنشـدون شلونـي
جرحي وعارف علتـه وضمـاده
إن كان بيديكـم سنـع شوفونـي
وإلا اتركونـي للحـزن واجهـاده
من يوم غابت عن سماي وكونـي
مولاة قلبـي.. غايتـه.. ومـراده
أم العيون السود / كـل جنونـي
ست السمر والبيض.. وأحلى غاده
كني عن أبواب الفـرح صدّونـي
وإلا الصبر.. كثر الرجا مافـاده!
لابو قصيد ٍيرتضي لـي هونـي
يشكي من الحظ الردي وعنـاده!
قولوا لها شاللي حصـل؟ دلّونـي
(أبطت) .. وخابر مالهـا بالعـاده
بعض البشـر غابـوا ولاهمونـي
والبعض يمكـن خيرتـي فابعـاده
بس المصيبه لو تصيـب ظنونـي
بغيـاب نـور وطلّـة المـيّـاده
قولوا لها والشـوق زاد شجونـي
وينك؟؟ تراني مـا أطيـق زيـاده
يا ام الغلا كلـه ونـور عيونـي
ياروووح عبدالله ونبـض فـؤاده
شوفي غيابـك يستثيـر سكونـي
والليل عينـي ماهتنـت برقـاده
ضاقت نواحي خافقـي وركونـي
من روحتك فجـأه بـدون افـاده
دفتر قصيديْ اشتاقلك من دونـي
صفحاتـه لرقـة يـدك معـتـاده
وجدي عليـك اليـوم يامظنونـي
وجـد العراقـي لا بكـى بغـداده
أقسم بـرب البيـت واتعرفونـي
وأبيـات شعـري تنتظـر هـدّاده
إن كـان عـادت والله لْتلقونـي
أقصد وألبّسهـاْ القصيـد قـلاده
والحين أبي علم ٍيكـفّ ظنونـي
منهو يجيب أخبارهـا ياسـاده؟؟
أما كـذا .. وإلا ابعـدوا خلونـي
أرجع لحضن وسادتـي كالعـاده!!








برب ( )

من مواضيع : نايف العنزي

يوتيوب داعية الحرمين - مقطع داعية الحرمين - فيديو وداعا داعية الحرمين
اغنية العمر لارحت مايسوى بدون موسيقى - تحميل اغنية العمر لارحت مايسوى
تقديم مباراة باختاكور الاوزبكي والشباب السعودي كاس ابطال اسيا 2010
خامات حلوه و جديده
Mms عيد الحج 2010 - وسائط العيد لسنة 2010
انشودة دوماً لك الحمد يارب والصلوات دوماً لك الحمد ما دقت النبضات mp3 , تحميل
اخبار المنتخب السعودي ليوم السبت 12 / 9 / 1430 هـ من الصحف
اخبار العميد ليوم الاثنين 3 / 2 / 1431 هـ من الصحف , اخبار الاتحاد من الجرايد
وسائط عيد للاب 2010 - وسائط عيد الاضحى للام 2010 - وسائط عيد للاخ
خط لمسات للتصميم
 


عرض البوم صور نايف العنزي   رد مع اقتباس

قديم 19-01-2010, 06:08 AM   المشاركة رقم: 4
المعلومات
الكاتب:
اللقب:

الصورة الرمزية
 
الصورة الرمزية نايف العنزي

البيانات
التسجيل: Jan 2009
العضوية: 14
المشاركات: 24,697 [+]
بمعدل : 12.15 يوميا
اخر زياره : [+]
المدينه: الريآض
معدل التقييم: 3035821
نقاط التقييم: 303579149
نايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond repute
 

الإتصالات
الحالة:
نايف العنزي غير متواجد حالياً

كاتب الموضوع : نايف العنزي المنتدى : منتدى أعذب القصيد - قصائد شعرية - قصائد منقولة
افتراضي رد: قصائد الشاعر عبدالله الظفيري , ديوان الشاعر عبدالله الظفيري





||مقتطفـآت من قـصـائـده فـي الـحـزن ●• ||




خــذلـنــــــي ..~



دخيـل الله ياقلبـي أنـا طالـبـك تعفيـنـي
أنا طالبـك تنسااااانـي ولـو مـره تخلينـي
أعيش بدنيتي وأهنا مثل باقي البشـر سالـي
بدون الحب ياقلبـي وبـدون همـوم تكوينـي
أنا ماعـاد فينـي روح تبيهـا تتبعـك ثانـي
انا فيني جسد باقي بـدون شعـور يحوينـي
على كثر القلوب اللي هوينا ماصدق واحـد!!
ياقلبي ابتعد عنهم ترى اللـي فينـي كافينـي
زرعْت الحب فأعماقي وحصدْت جروح تاليها؟؟
وردى هالحظ خاواني ولقى كل مايبـي فينـي
كثير أحباب حبينا وعطيناهـم بـدون حسـاب
ولاخذنا سوى غدر ٍمـلا راحـات كفينـي؟؟
وكثير أسباب تجبرنـا بـلا حسوفـه نخليهـم
لأن والله مافيهـم ولا واحـد مـلا عيـنـي
ولكن أكبر الصدمات جتني مـن يديـن اللـي
حسبته غير كـل النـاس ومايعنيـه يعنينـي
هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي
عطيته من دفا روحي قصايـد أشعلـت ليلـه
وأنا ما أكتب لغيره ولا أي شخـص يغرينـي
كتبت أحلى كلام الحب فـي عينـه ولافكـرت
يجي اليوم اللي أستخسر قصيدي في محبينـي
على مبدا (الخصوصيه) يحاول يبعد اشكوكـي
وعلى مبدا (الصراحه) كنت وكانت لعبته فيني
خذلني للأسف والله وهدم كـل مابنـا بلحظـه
وطلع هالحب مايسوى مواطي تراب رجلينـي
أنا كنت أحسبـه أعظـم علاقاتـي ولاظنيـت
بأن أعظم علاقاتي بخيانـة حـب تنهينـي!!
ويمّي صاحبـي دايـم يذكّرنـي بوهـم حبـي
وأقول: ارتاح ياعمي ترى الله عنْك مغنينـي!
خسرت أصحاب من حولي خسرت الكل بأسبابه
ألا حسبـي عليـه الله كثـر ماهـو معنّينـي
أفااااا ياقلبي الطيب...أفـا وشلـون ترضاهـا
وأنا من صدمة ٍبالحب إلى صدمـه تودينـي
بدون عناد اسمعني ولا تفتح لـي الموضـوع
حشا لو تفتحه ثاني لأشيلـك مـن شرايينـي
خلاص الحين انساهم وأنا ماعاد فينـي حيـل
لهم رب ٍيجازيهـم .. ولـي رب ٍيجازينـي





خلااااص ضاقت بي الرياض ..~


لامن رمـى ليـل العنـا همّـه علـي لْحالـي
وغيري قضى هالليل نايم في حضـن محبوبـه
وآنا اسهره متوسـدٍ حزنـي وضيقـة بالـي
من وحدة ٍطالت وفرحـة خافـق ٍمسلوبـه!
والذكريات اللي مضـت لـي زوّدت غربالـي
والنفس طابت.. والصبر عوّد علـيّ عقوبـه
"ياخالـد حمـود" الحكايـه كلّـهـا ياغـالـي
ودّي أفضفض لك خوافـي نفسـي المغصوبـه
مانيب شاكي من سواليـف الهـوى واطلالـي
ولانيب شاكي لك جروحي من جفـا رعبوبـه
مشتاق لك والله وانا كـل مـا ذكرتـك خالـي
أتذكّـر أيـام (الخُبـر) والجامعـه كـل نوبـه
اشتقـت للشرقيـه وكـل مابـهـا يحـلالـي
واشتقت لسنين الدراسه.. والسكن.. وقروبـه
ماكنت أحسّـك ساكـن بجنبـي ودوم قبالـي؟
كنت انت ساكن وسط قلبي وعارف ٍمطلوبـه
ياهو كئيب الكـون وايامـي فـلا تهنـا لـي
ياخي بعد فرقاك .. عنـدي ماهـي بمحسوبـه
خلاااااص ضاقت بي الرياض بكبرها من تالـي
ماعاد لي فيهـا مكـان وحاجـة ٍمرغوبـه!!
هي عامره بوجود أهلهـا فـي أمـان الوالـي
والعاصمه من كـل شعـب المملكـه مخطوبـه
بس البـلا لا ضـاق قلبـي عارفـه مايبالـي
هو ياخذ الحاجه .. ويتركني غريـق ذنوبـه!
خالد!! تخيّل.. من كثر همي وسـوء أحوالـي
مابه مكان ولا صديق اسلى وأسيّـر صوبـه!!
من شقتي .. لين الدوام .. لشقتي .. منوالي!
لا الوضع هـذا يصلـح لخيّـك ولا لأسلوبـه
مافادني صدري الوسيـع اللـي ملتـه آمالـي
وحشة .. وخلّت دنيتي مـن عقبهـا مقلوبـه
كثـر الشكـاوي ماتفيـد المحبطيـن أمثالـي
أدري.. ولاتشره على مـن يهـذي بغيبوبـه
يارب أبي تيسيرك لأمـري.. وغيـرك مالـي
وان كان – نقلي- (للخُبر) حاجه مهي مكتوبه؟؟
طالبك أنا كنز القناعـه/ واقتنـع فـي بالـي:
ويصير لي حضن الرياض أدفى من المحبوبه!!








|| مقتطفـآت من قـصـائـده فـي الــمــدح ●• ||




يـــابـــــوي ..~



يـارب ياعالـم بكتمـان الصـدور ومايـجـول
صفّ النوايـا فـي نفـوس ٍللحيـاة مودّعـه
يا الله وانت أعلـم بغايـة نيتـي واللـي أقـول
القلب وإن دار الزمـن تبقـى الهدايـة مطمعـه
والشعر نظمه ماهو بكيفي وأنـا شاعـر ملـول
الشعر لامن حام مع سرب الفكـر جـاوب معـه
يابوي وانت الله عطاك مـن المهابـه والقبـول
حتى القصيد ان قيل في حضرة جنابك.. ترفعـه
لا لا تحاتي.. يابعد راسي عسى عمـرك يطـول
وانت اللي من خوفك علينا / زود حرصك تتبعه
من رحمتك فينا تَعَلَّمنـا عـن الرحمـه فصـول
من قلبـك الوافـي عرفنـا كـل خيـر ٍندفعـه
ياما على الدم والقرابه تصبر وشلـت الحمـول
ياما عملـت ومـادروا لجـل القرايـب تجمعـه
من كثر ماوصيتنا بوصل الرحم ظنـت عقـول:
إن الرَحَم أولى مـن الوالـد بطيـب ومنفعـه!!
يابو الفقير اللي تضايق مالقـى بعمـره حلـول
يابو اليتيم اللي انمسح بأطـراف كمـك مدمعـه
من يجهلك يا اللي جرى طيبك كما مجرى السيول
ما يجهلك غير الجحـود اللـي ظنونـه تخدعـه
يا الحاسم اللي نعرفك ماتقبل أنصـاف الحلـول
كل ما ذكرناْ إنك ورانـا.. ناخـذ الدنيـا سعـه
يامروّض صعاب الزمن مهما الصعايب بك تحول
ماهو مثل من قال: إن طاع الزمـن.. وإلا طعـه
إنت المواقف في حضورك ماهي أقـوال وفعـول
إنت الفعل يسبق كلامـك ليـن غيـرك يسمعـه
يابوي لو ماعادتك بالطيـب والفزعـه عجـول؟
ماضـاق ديوانـك وبيبـان البيـوت مشرّعـه
ماقد خذلت انسان جاك ولا رجـع منّـك جفـول
يوم إن أغلب هالبشـر حتـى الأخـو ماينفعـه
نلت المهابه من شيوخ ٍيـوم غيـرك ماينـول
إلا انهم..؟؟ وإلا بلاش.. أسكت وغيري يطلّعـه
أدري القصايد في رجا شرواك مـا والله تطـول
مـن رُبْـع ماتفعـل يمينـك يافخرنـا ومنبعـه
كم شاعر ٍقبلي تغنـى وجـاك فأبياتـه خجـول
با الله قلي: كـم قصيـده فالـدروج موزعـه؟؟
وأدري الشهاده فيـك مجروحـه ولكنـي بقـول
إن الشواهـد فـي كلامـي ياعـرب تستشفعـه
لكن وانا ابنك مانويت أكتب وأنا شاعـر ملـول
بس الشعر لا لاح لي.. مافيه شـي ٍيردعـه!!









||مقتطفـآت من قـصـائـده فـي الاسـلام ●• ||



الــعـقــل نـعـمـــــه ..~


الزمـن فـي آخـره.. واحنـا نيـام!
والفتـن فـي وقتـنـا مسترسـلـه
والله اللـي كافـل البيـت الـحـرام
دون هالعـالـم بـأمـره يكـفـلـه
و"العقل نعمه" .. ونـور ٍف الظـلام
[والعواطـف].. آخرتـهـا وَلْـوَلَـه
ديننـاراجـع مثـل بـدر التـمـام
الـبـلا بالجـيـل والـلـي مثّـلـه
يـا منـادي (للعروبـه والوئـام)!!!
منطـق .. الواقـع رفـض لايقبلـه!
العروبـه زيـف صدّقـهـا عَــوَام
ماقـروا تاريخـنـا وش بهـذلـه!!
العرب بالمصطلـح: حـرب وصـدام
ماضـي وتاريـخ اســود يحفـلـه
ليـن بالدّعـوه صـدح خيـر الأنـام
لمّهـم فـي ديـن .. ربـي كمّـلـه
ماعمـر [إسلامنـا] بــادر وقــام
مـن دعـاوي عــرق وإلا قَبْيَـلَـه
شوف (طارق) / بربري.. ذاك الهُمام
البحـر خلْـف.. وجيـوش ٍمقبـلـه
أحـرق السفْـن وخيـاره والـمـرام
ينتصـر.. وإلا الشـهـاده منـزلـه
شف (صلاح الدين) / كردي.. بالحسام
حـرر الـقـدس بعقـيـده تشعـلـه
قـادة الأمـه بقـوا رمـز ووســام
كردي وإلا بربـري؟؟ مـو مشكلـه!!
قـوة الإيمـان تـفـرض هالـكـلام
وديننـا مـاسـاد بــس بمرجـلـه
الله أكبـر يازمـن ماهـو حــرام؟!
بعـد ذاك العـز صرنـا مهـزلـه!!!
كـل مالـديـت وجـهـي بالـزحـام
أرض مسلوبـه.. ونـاس مقتّـلـه!!
أي مسلـم يرتجـي خيـر وسـلام؟؟
والخيـانـه بالـعـدو متغلـغـلـه!!
كيف هو يفـرض عليـه الإحتـرام؟؟
دام خـيّـه أول الـلـي يـخـذلـه!!
مانجـيـد إلاّ نـكـيـل الإتـهــام
والنتـايـج بالبشـايـر ممـحـلـه
مـن دعـا للجاهليـه كــل عــام
صام صام ولا لقـى قشـر بصلـه!!
القضيـه هــي عقـائـد بالتـمـام
عارفيـن أبعـاد هـذي المسألـه؟؟؟
ياعـزيـز وياحكـيـم ويـاســلام
مـن لنـا غيـرك إلهـي نسـألـه؟
ردّنـــا يـاربـنـا رد الـكــرام
لـك .. وتكفينـا زمــان ٍنجهـلـه
عجّـل بنصـر ٍلدينـك مـا يُضـام
والعبـاد اليـوم.. مـا منهـم دلـه!
من رضى بالـذل .. يبشـر بالعـدام
مامحـى التاريـخ شـئ ٍسجـلـه



برب ( )

من مواضيع : نايف العنزي

برنامج الفوتوشوب للصفار - تحميل برنامج الفوتوشوب للاطفال
ثيمات بلاك بيري بولد 9000 - خلفيات بلاك بيري بولد 9000
اخبار النصر ليوم الاحد 11 / 8 / 1430هـ من الصحف
فول الصويا يخفض خطر الإصابة بمرض السكري - فوائد الفول
من هو ذو القرنين - معلومات عن ذو القرنين
اخبار الاهلي ليوم الاثنين 20/7/1430هـ من الصحف
وظائف شاغره جديده , فرص وظيفيه شاغره جديده 2010
ازياء زهير مراد 2010 - احدث ازياء زهير مراد - اجدد ازياء زهير مراد
مقطع حريق سوق الحويه بالطائف - يوتيوب - فيديو
اهداف مباراة الهلال و الفيصلي دوري زين 2010
 


عرض البوم صور نايف العنزي   رد مع اقتباس

قديم 19-01-2010, 06:10 AM   المشاركة رقم: 5
المعلومات
الكاتب:
اللقب:

الصورة الرمزية
 
الصورة الرمزية نايف العنزي

البيانات
التسجيل: Jan 2009
العضوية: 14
المشاركات: 24,697 [+]
بمعدل : 12.15 يوميا
اخر زياره : [+]
المدينه: الريآض
معدل التقييم: 3035821
نقاط التقييم: 303579149
نايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond reputeنايف العنزي has a reputation beyond repute
 

الإتصالات
الحالة:
نايف العنزي غير متواجد حالياً

كاتب الموضوع : نايف العنزي المنتدى : منتدى أعذب القصيد - قصائد شعرية - قصائد منقولة
افتراضي رد: قصائد الشاعر عبدالله الظفيري , ديوان الشاعر عبدالله الظفيري


||مقتطفـآت من قـصـائـده فـي الـحيـاه الاجـتماعيـه ●• ||




سـبب كـتابه القصـيده .,’
سافر أخو عبدالله الأكبر نواف للدراسة خارج المملكه
وكان كثير الإتصال على هاتفي لتخليص الأمور الخاصه فيه
وعند إحساسه بأنه أثقل علي قال: (الظاهر إني غثيتك ياخوي)!!!



نــواف ..~


نـواف ياخـوي اتصـل
فرقاك خلتني امغبـون!!
أفرح برقمـك لاوصـل
وان غاب خيّمني سكون!
يابو شهد .. آمر وقـل
قول وعلى خيّك تمـون
ماصابنـي منّـك ملـل
ولاطرت لي هالظنـون!!
ياكيف ابزعل منْك أجـل
وانا حياتي لك تهـون؟
ياخوي بـس لاتنشغـل
آمـر وتفـداك العيـون
إنت الذي كم ليـل حـل
تسهر وتفضحك الجفون!
كم شلت عنّا من حمـل
كمّ احملت ذيك المتـون؟
ياذخرنـا وقـت الثقـل
لاصار به من يبعدون!!
مثلك فلا عمـره زعـل
تدمح خطايانـا بهـون
كبير من صغـرك تقـل
مولـود للعليـا تكـون!
يفـداك كلـي ياجـعـل
ماذوق يومك يا الحنون
والحين بشّر وش حصل؟
دام اللي مثلك يرتقـون
كيف الدراسـه يابطـل
قلي عسى ماتتعبـون!!
وانا اطلب أعدل من عدل
بعد التعب ماتخسـرون
بس انت ياخوي اتصـل
وآمر وتفـداك العيـون
واللي على اخوانه بخـل
يا الله أبد لا يكثـرون!!




|| • مقتطفـآت من قـصـائـده فـي الـهـجـاء ●• ||




روحـي الله لايـردك ..~



لا وربّي لا حشى ماقـول روحـي بالسلامـه
إبعدي يابنـت عنـي.. روحـي الله لايـردّك
من متى مثلي تنـازل يبـدي لمثلـك ملامـه؟
والله إن قلبي وأعرفه مادرى عن جـد جـدّك
عادتـي والله خطـا غيـري أردّه بابتسامـه
لكن انتي ماسكتّـي ولاوقفتـي عنـد حـدّك!!
اسمعي من صدري المكبوت واستلمي كلامـه
صدري اللي كم شكيتي لـه غرابيـل ٍتهـدّك
صدقيني يوم صديتي عـن القلـب وغرامـه
ضعتي وضيّعتي فرصه غاليـه كانـت بيـدّك!
الغرور أكره طريقه وأرفض إسمـه واتهامـه
لكن انتي مو كفو اللـي يحتـرم رايـك وردّك
تذكرين شلون كنتـي غايـة العمـر ومرامـه
ومنهو بس اللي يفكّر أو يصيـر بيـوم نـدّك
والقصايد في لقانـا ترسـم الحـب وهيامـه
ومنيتك لو تسمعي بيتين من شعري.. تسـدّك
كان طبعك في حضورك يفرض بقلبي احترامه
وكان اسلوبي وطبعي وكـل تفكيـري يشـدّك
يوم كنتي عايشه ويّـاي فـي عـز وكرامـه
خلي صدك ينفعـك يـوم ٍتماديتـي بصـدّك
انتي الظاهـر تبيـن اللـي يبادلْـك اللئامـه
واحد ٍيضحك عليـك ومـن بَعَدْهـا يستبـدّك
واحـد ٍمايملـك بقلبـه رجولـه أو شهامـه
كل همه حاجـة ٍلامـن قضـى منهـا يهـدّك
اذكري عبـدالله لاعضيتـي ابهامـك ندامـه
واذكريني زين لاسالت دموعـك فـوق خـدّك
واخذي وقتك وابحثي في وسط هالكون وزحامه
والله ماعمرك تلاقي شخص باخلاصي يـودّك
والله إني في المحبـه ناجـح بميـة علامـه
وانتي أصلا فاشله ودرب الفشل دايـم مـردّك
فكّني الله من هواك وأحمـده جتنـي سلامـه
وانتهيتي من حياتي وانكشفتي وبـاح سـدّك
ثقـل دمـك مايعالجهـا طبيـب ولاحجامـه!!
ومخك مقفّل ويجهل من معاك ومنهو ضدّك!!!
اسمعي الزبده: ولاواحـد نبـي يكثـر كلامـه
وانتي روحي جربي غيري وشوفي اللي بودّك
بس قولـي لابكيتـي وانحرمتـي الإبتسامـه
قالها عبـدالله أول: فرصـه وكانـت بيـدّك !







|| • مقتطفـآت مـع اجـمل قـصـائـده فـي اغـراض الشـعـر الاخـرى ●• ||



( هالشّـكل ) = ( كذا ) ..~


تضحك تقول أموت بك لاقلت كلمة (هالشّكـل)
ياحلْوَها لاقلتها.. وإلا احنـا / كلمتنـا (كـذا)
يابنت.. جوزي عن سواليف اللكاعه والهبـل
وإلا انتي مـا والله وراك إلا المشاكـل والأذا
ما كل شـي ٍتشتهينـه.. تحسبينـه ينوكـل
قولي هو اللي سابقك بالدرب هذا..وش خـذا؟
بس اتركي عنّك علاقـات الصياعـه والغـزل
وإن أشَْكلَتْ لك هالشّكل! روحي اقلبيهـا هكـذا
مانيب أنا اللي يجذبه مدحك وترتيـب الجمـل
اخذي الحكي من قاصره: لو تبعدي... ياحبـذا
مدري؟؟ و لك فتره تبين تكلمين بـأي شكـل!
نوعيتك (متعوده .. دايما ً) تحب هـذا.. و ذا
يالعنبوا اسلوبك صراحه مـا يجاريـه الخبـل
ولا يدوس الشوك غير اللي على دربـه حـذا
يمكن أفكّر أعشقـك.. إذا بقيـت بـلا عقـل
بس احتريني/ واحتري متـى تجـي كلمـة إذا
والله يا إن البنت روعتهـا بحياهـا والخجـل
والموت لا بيّن خجلهـا.. شفتهـا ورد وشـذا
هذي قصيده قلتها من زود قهري فـي عجـل
ولا بعد ودّي تطول السالفـه أكثـر ... لـذا :
والله تراني ماهضمتك .. بس / كيفي / هالشكل
وإن مافهمتي هالشكل .. ترى بلهجتكم كـذا !!







طـــواري ..~


منت عادي .. لا وربي منت عادي
.......... من عرفتك وانت دايم في علو !!
ياكثر ماشوف حولك من أيادي
.......... "انتبه" تخطفْـك منّا .. ياحلو
ياصاحبي قد شفت ناس "متنّحه"
....... بس انت مثلك؟ لا أبد مايوم شفت!!
لي بالمجالس معْـك غمز.. ونحنحه
........ وانت بغبائك خارج المعقول طفت!
شف هالبشر .. خلّـيتها مترنّحه
....... من ضحكهم.. وانت اتّـلفّت ماعرفت؟
ناس إلْعبت بالعمق .. وناس مجنّـحه
... كم لي أدافع عنك؟ .. والحين اعترفت!!
إيه بدوي.. شاعر.. وبرضو مْهندس
........... وين الغرابه بالأمر .. قولي لي؟؟
من صغري أطلع وارتقي.. ما أندس
.............. لو بيّدت روس المعالي حيلي ..




شخص عاااادي ..
لايشيل .. ولا يعادي..
هذا أنا !!
من قرْد حظي ..
لا أزال أحمل مبادي !!!
شي عاااااادي ..
ليه أصيح ؟ .. وليه أنادي ؟
والحزن من زود ضيقي ..
يختنق داخل فؤادي !!!
ياهنادي ..
لا يهمّك .. وآنا عمّك
ب ع ث ر ي هالضيق فيني
لملميـ/ـني .. حين ألمّـك..
إضحكي يانور عيني..
وقرّبي مشتاق أضمّك
طوّقي يدّيك حولي ..






حضنك أرحب من بلادي !!!


متعود أكتب من (طهارة نيّـة)
......... لو تقصر أنظار البشر "مو ذنبي"
حبيبتـي .. يانور كل الأماكن
............ سبحان من أبدع تقاسيمرسمك!!
إيه آتغزّل.. واكتب الشعر.. لكن
............ محشومه أوصف للمخاليق جسمك!!
لاتمدح الشعّـار وأهل الساحه
......... اسكت ولاتكثّر كلام .. ورح يـااا
شعّـار.. بس أهل العقول براحه!!
............. والناس خابر بالكرامه تحيـااااا
كم واحد ٍهايط وزاد صياحه
.......... ويطلع بالآخر نسخة ٍمن (يحيـى)!!
سمّيت ياخالد ظناك بإسمي
................ تيمنا ًفيني!! .. ولاهي لله !
تبغى التمايم مالها من قِـسمي
.............. ماظنتي تفرح بها ..لا والله !!
وإذا على اسمي خذ بياني الرسمي:
.............. " تبطون ماجبتوا مثل عبدالله "
.............. " تبطون ماجبتوا مثل عبدالله "
.............. " تبطون ماجبتوا مثل عبدالله


|| من شهد المسآء لكم نقآء ي أنقيآء ~

من مواضيع : نايف العنزي

مواصفات سوني اريكسون C902 - مواصفات sony Ericsson C902
عجينة الصفيحه - عجينة الصفيحه والسبانخ
اسماء الشعراء المشاركين في شاعر المليون 4
برود كاست الاقلاع
اخبار العالمي ليوم الاحد 9 / 2 / 1431 هـ من الصحف , اخبار النصر من الجرايد
صور الفنان اكمل2011
Mms عيد الاضحى 2010 - mms عيد الاضحى المبارك جديده 2010
هدف نواف العابد على الشعله بطولة فيصل بن فهد - اسرع هدف في العالم
اخبار الهلال ليوم الاحد 26 / 4 / 1431 هـ من الصحف , اخبار الزعيم ليوم الاحد 26 / 4 / 1431 هـ من الجرايد
رابط نقل مباراة الهلال والاهلي نصف نهائي بطولة الامير فيصل بن فهد بث كتابي نقل مباشر
 


عرض البوم صور نايف العنزي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
موقع موفن عبدالله الظفيري, موقع الشاعر عبدالله الظفيري, الشاعر عبدالله مرعي الظفيري, اشعار الشاعر عبدالله الظفيري, اشعار عبدالله الظفيري, ديوان الشاعر عبدالله الظفيري, شعر عبدالله الظفيري, صور الشاعر عبدالله الظفيري, عبدالله الظفيري الجرح ارحم, عبدالله الظفيري شاعر المليون, قصائد الشاعر عبدالله الظفيري

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر رد
توبيكات الشاعر عبدالله الظفيري - توبيكات عبدالله الظفيري 2010 ŇăβĐë توبيكات , توبيكات ماسنجر , توبيكات ماسنجر ملونه 86 21-11-2010 11:25 AM
قصاااايد الشاعر عبدالله الظفيري ...رووووووووووووعه شامخه رافعه راسي قصائد صوتيه , قصائد مسموعه 25 14-10-2010 08:36 PM
ديوان الشاعر عبدالرحمن بن مساعد , قصائد الشاعر عبدالرحمن بن مساعد نايف العنزي منتدى أعذب القصيد - قصائد شعرية - قصائد منقولة 6 19-01-2010 05:57 AM
ديوان الشاعر عبدالله العليوي رحمه الله نايف العنزي منتدى أعذب القصيد - قصائد شعرية - قصائد منقولة 1 19-01-2010 05:19 AM
قصيدة الشاعر عائض الظفيري اعتزال نواف التمياط مباشر منتدى أعذب القصيد - قصائد شعرية - قصائد منقولة 0 03-01-2010 10:04 PM


الساعة الآن 07:33 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc.
Search Engine Friendly URLs by vBSEO 3.6.1
اعلانات
مركز تحميل لذيذة كورة العاب بنات العاب فلاش العاب طبخ اندرويد العرب شوف البرونزية